DİN-in Mətbuat Xidmətinin Gəncə regional qrupundan APA-nın sorğusuna cavab olaraq bildirilib ki, saat 20 radələrində Qazax Rayon Polis Şöbəsinə rayon sakini 1995-ci il təvəllüdlü Kənan Cəfərovun kəsici alətdən aldığı xəsarətlərdən ölməsi barədə məlumat daxil olub.

Dərhal Rayon Polis Şöbəsinin və Rayon Prokurorluğunun əməkdaşları hadisə yerinə gələrək müvafiq araşdırmalar aparıb. İlkin araşdırmalar zamanı məlum olub ki, rayon sakini Rəşad Məhərrəmov aralarında yaranmış mübahisə zamanı kəsici-deşici alətlə Kənan Cəfərovun qarın nahiyəsinə bir neçə zərbə vurmaqla qətlə yetirib. Polis əməkdaşlarının keçirdikləri əməliyyat-axtarış tədbirləri nəticəsində qətli törətməkdə şübhəli bilinən R. Məhərrəmov şübhəli şəxs qismində saxlanılaraq istintaqa təhvil verilib.

***

21.02

Qazaxda qətl hadisəsi baş verib.

Hadisə rayonun Qazaxbəyli kəndində qeydə alınıb.

Orta yaşlı kişi bıçaq xəsarəti ilə xəstəxanaya yerləşdirilib. Həkimlərin səylərinə baxmayaraq xəstə dünyasını dəyişib.