İspaniyada məktəbli tutduğu naqqa balığı ilə rekord qırdı - FOTO

8-12-2023, 16:14           
İspaniyada məktəbli tutduğu naqqa balığı ilə rekord qırdı - FOTO
İspaniyada Böyük Britaniyadan olan məktəblinin tutduğu naqqa balığı çəkisinə görə rekord vurub.

Bu barədə yerli xəbər portalları yazır.

11 yaşlı Coşua Devenport valideynləri ilə balıq tutarkən onun tilovuna naqqa balığı keçib. 25 dəqiqə ərzində məktəbli şikarıyla mübarizə aparıb. Uşağın gücünün çatmadığı bəlli olduqda yaxınlıqda olan üç balıqçı onun köməyinə gəlib.

Balığı sahilə çıxardıqdan sonra onu tərəziyə qoyublar. Balığın 69 kiloqram ağırlığında olduğu məlum olub və Coşua uşaq tərəfindən tutulan ən böyük şirin su balığı üzrə Avropa rekordunu qırıb.

“Balıqçılıq Coşua üçün hər şeydir. İlk tilov ona dörd yaşı olanda verilib!”, - deyə uşağın anası bildirib.
Rekord qeydə alındıqdan sonra naqqa balığı yenidən çaya buraxılıb.


Mənbə: gazeta.ru












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.