Avstraliyada aborigenlər onların qonşularını qorxudan timsah yeyiblər.

Qeyd olunur ki, uzunluğu 3,6 metr olan timsah seldən sonra yaşayış massivinin yaxınlığındakı çayda məskunlaşıb.

O, uzun müddət itləri yeyib və hətta yerli sakinlərə hücum etməyə çalışıb.

Yerli sakinlər timsahın bu davranışından təngə gələrək yırtıcını zərərsizləşdirib və cəsədini polis maşını ilə qəsəbəyə aparıblar. Ardınca yerli sakinlər ənənəvi ziyafət təşkil ediblər və menyuda timsahın əti də təklif olunub.

Məlumata görə, timsahın əti yerli mətbəxin reseptinə əsasən bükülmüş banan yarpaqlarında hazırlanıb.

Mənbə: ABC News