Qocalma prosesini yavaşlatmaq üçün qidalanmanın rolu getdikcə daha çox araşdırılır.
Anti-aging üzrə mütəxəssis Marina Strelnikova bu barədə “Gənc Qal” proqramında danışıb. Onun sözlərinə görə, bəzi qidalar hüceyrə səviyyəsində qoruyucu təsir göstərir.Strelnikova qeyd edir ki, qırmızı giləmeyvələr, yaşıl çay, qoz, pomidor və balıq yaşlanma prosesini ləngidə bilər. Bu məhsullar antioksidant və omeqa-3 yağ turşuları ilə zəngindir. Onlar hüceyrə zədələnməsinin qarşısını alır və dərinin elastikliyini qoruyur.Mütəxəssis vurğulayır ki, şəkərli və işlənmiş qidalardan uzaq durmaq da qocalma əleyhinə təsir göstərir. Həmçinin yuxu rejimi, su balansı və stressin azaldılması da bu prosesdə mühüm rol oynayır.