"Ukraynanın paytaxtı Kiyev Rusiya silahlı qüvvələri tərəfindən genişmiqyaslı hücuma məruz qalıb. Yaşayış binalarında yanğınlar baş verib, dağıntılar var".

Bu barədə Kiyev Şəhər Hərbi Administrasiyasının rəhbəri Timur Tkaçenko öz "Telegram" kanalında məlumat yayıb:

"İyulun 4-nə keçən gecə Kiyev yaşayış binalarında yanğınlara səbəb olan genişmiqyaslı hücuma məruz qalıb. Düşmən Darnitski rayonu ərazisinə PUA-larla zərbələr endirib".

Zərərçəkənlər barədə məlumatlar dəqiqləşdirilir.

Dneprovsk rayonunda vurulmuş PUA-nın qalıqlarının düşməsi qeydə alınıb. Obolonsk rayonunda fəsadlar barədə məlumat təsdiqlənməyib.

Daha əvvəl bildirilmişdi ki, Obolonsk rayonunda ilkin olaraq 16 mərtəbəli yaşayış binasının damında yanğın baş verib.

Rusiya "Telegram" kanalları isə xəbər verirlər ki, hücum zamanı "Kinjal" hipersəs raketlərindən istifadə olunub.

Rusiya-Ukrayna münaqişəsi