Fəaliyyəti dayandırılmış Azərbaycan Beynəlxalq Universitetinə qəbul olunub təhsili yarımçıq qalmış şəxslərin arxivdə aşkarlanan attestatlarının Təhsil Nazirliyi tərəfindən qaytarılması prosesi davam edir.

Nazirlikdən APA-ya verilən məlumata görə, Təhsil Nazirliyinin “Qaynar xətt” xidmətinə zəng edərək qeydiyyatdan keçən 404 nəfərdən 243-ü sənədlərini geri alıb.

Qeydiyyatdan keçmiş vətəndaşlar şəxsiyyəti təsdiq edən sənədlə (digər şəxslər etibarnamə əsasında) hər həftənin çərşənbə axşamı və çərşənbə günləri Təhsil Nazirliyinin Vətəndaşların Qəbulu Mərkəzinə müraciət edərək, müvafiq sənədlərini geri ala bilərlər.