Ermənistan Ordusu tərəfindən işğal edilən Dağlıq Qarabağdakı qondarma rejimin rəhbəri Arayik Harutyunyan bildirib ki, vəziyyət olduqca ağırdır.
Yeniavaz.com xəbər verir ki, bu barədə məlumatı qondarma rejimin rəhbəri Arayik Harutyunyan sosial şəbəkə hesabında paylaşıb.
Harutyunyan qeyd edib ki, o “döyüşçülərlə” görüşlər keçirir. Separatçıların lideri deyib ki, hər kəs bir nəfər kimi ayağa qalxmalıdır. A. Harutyunyan “vətənin” təhlükədə olduğunu və onu “qorumaq” üçün Birinci Qarabağ müharibəsi iştirakçılarını da cəlb etdiklərini qeyd edib.
Harutyunyanın paylaşdığı fotolardan açıq şəkildə görünür ki, döyüşə cəlb olunan şəxslərin böyük əksəriyyəti yaşlı insanlardı.