Ukraynada Avropanın uzaqmənzilli raket əleyhinə sistemi yerləşdirildi - FOTO

21-06-2023, 08:06           
Ukraynada Avropanın uzaqmənzilli raket əleyhinə sistemi yerləşdirildi - FOTO
Fransa-İtaliya SAMP/T raketdən müdafiə sistemi artıq Ukraynada yerləşdirilib.

Fransa Prezidenti Emmanuel Makron belə bir bəyanatla çıxış edib.

“Mən italiyalı həmkarım Corciya Meloni ilə birlikdə Fransa-İtaliya SAMP/T zenit-raket kompleksinin hazırda Ukraynada yerləşdirilərək işə salındığını elan etməkdən məmnunluq duyuram. Bu kompleks əsas obyektləri və insanların həyatını qoruyacaq”, - deyə Makron qeyd edib.

Bu barədə mətbuatda dəfələrlə xəbərlərin dərc olunmasına baxmayaraq bu, SAMP/T-nin Ukraynaya çatdırılması ilə bağlı ilk rəsmi təsdiqdir.

SAMP/T sisteminin Ukraynaya tədarükü bu ilin fevralında İtaliyanın Fransa ilə razılaşma əsasında elan etdiyi altıncı hərbi yardım paketi çərçivəsində baş tutub.

Qeyd edək ki, SAMP/T-MAMBA Avropanın ilk uzunmənzilli raket əleyhinə sistemidir. Bu sistem 3-100 kilometr məsafədə düşmən təyyarələrini və 3-25 kilometr məsafədə ballistik raketləri məhv edə bilir, məhvetmə yüksəkliyi isə 25 kilometrə çatır.

SAMP/T “Eurosam” Avropa konsorsiumu (MBDA İtaliya, MBDA Fransa, “Thales”) tərəfindən hazırlanıb. Sistemdən İtaliya, Fransa və Sinqapurda istifadə olunur.


Mənbə: Ukrainskaya pravda












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru