"Aston Martin" ABŞ-də 2024 və 2025-ci illərə aid 1100-ə yaxın superkar və krossoveri geri çağıracaq. Onların yağ xəttinin qopması riskinin olduğu aşkar edilib ki, bu da yanğına səbəb ola bilər.

Oxu.Az xəbər verir ki, bu barədə "Carscoops" məlumat verib.

Qeyd olunur ki, digər bazarlar üçün istehsal edilmiş üç mindən çox "Aston Martin" eyni problemlə üzləşə bilər.

Geri çağırılan avtomobillərin yağ təchizatı sistemindəki nasaz şlanqın divar qalınlığı qeyri-bərabərdir. Superkarların və krossoverlərin intensiv istifadəsi zamanı mayenin pulsasiyası səbəbindən şlanq partlaya bilər. Bu, yağın buraxılmasına, mühərrikin dayanmasına və yağ güc blokunun qızdırılan hissələrinə düşərsə, yanğına səbəb ola bilər.