Melikov Kadırova meydan oxudu – Rusiyada nə baş verir?

13-10-2024, 17:54           
Melikov Kadırova meydan oxudu – Rusiyada nə baş verir?
Dağıstan regiondan olan senator Süleyman Kərimovu dəstəkləməyə hər zaman hazırdır.
Axar.az xəbər verir ki, bu sözləri Dağıstanın rəhbəri Sergey Melikov Dərbənddə parkın açılışında deyib.

“O, öz xalqı üçün yalnız xeyirxah işlər görür. Dağıstan ona çətin anlarda həmişə dəstək olacaq. Çünki bizim gücümüz birlikdədir və parçalanma cəhdləri yalnız düşmənlərimizin əlinə oynayır”, - o bildirib.

Qeyd edək ki, oktyabrın 9-da Ramzan Kadırov Çeçenistanın təhlükəsizlik qüvvələri qarşısında çıxış edərək, ona qarşı sui-qəsd təşkil edildiyini bildirib. Kadırov sui-qəsd cəhdində Süleyman Kərimov, Bekxan Baraxoyev və Rizvan Qurbanovu suçlayıb və onlara “qan davası” ilə bağlı xəbərdarlıq edib. Ramzan Kadırov çıxışı zamanı “Wildberries” ofisində baş verən atışma hadisəsini də bu üçlüklə əlaqələndirib.

Ramzan Kadırovun bəyanatından sonra Rizvan Qurbanov videomüraciət yazıb və Çeçenistan rəhbərinə sui-qəsd hazırladığını inkar edib. O, həmçinin bildirib ki, “Wildberries” şirkəti ilə heç bir əlaqəsi yoxdur.

Sentyabrın 18-də Moskvada “Wildberries” ofisində atışma baş verib, nəticədə 2 nəfər ölüb, daha 7 nəfər yaralanıb.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru