Hazırda Yardımlı, Cəlilabad və Masallı meşələrində əsl ekoloji terror, yaşıl soyqırım yaşanmaqdadır.

AzToday.az xəbər verir ki, Masallıda Qəriblər Meşəbəyliyinin 3 saylı meşə dolayında Ekologiya və Təbii Sərvətlər Nazirliyinin rəhbərliyi “xəzinə” tapıb. Belə ki, sözügedən meşə zolağı ağır traktorların tırtılları altında məhv edilir, eninə-boyuna qazılır, xarabazara çevrilir. Burda törədilənlərə ancaq meşələrə düşmən münasibət adlandırmaq olar.

Redaksiyamıza təqdim olunan faktlardan məlum olur ki, Masallı rayon Meşə Təsərrüfatı Mərkəzi sözügedən meşə ərazisində çınqıl karxanası açıb və buraya yük maşınlarının hərəkəti üçün meşə ərazisindən yol çəkib.