Azərbaycan Respublikasının Ali Baş Komandanı cənab İlham Əliyevə,

Azərbaycan Respublikasının 1-ci vitse-prezidenti xanım Mehriban Əliyevaya,

Prezidentin Hərbi Məslələr üzrə köməkçisi cənab MəhərrəmƏliyevə,

Azərbaycan Respublikasının Baş nazir cənab Əli Əsədova,

Müdafiə Naziri cənab Zakir Həsənova,

AR Hərbi Səfərbərlik və Hərbi XidmətəÇağırış DX-nin rəisinə,

AR-nın Ailə, Uşaq , Qadın Problemləri DA-nin sədr müavininə,

AR-nın Ombudsman sədri xanım Səbinə Əliyevaya, KİV orqanlarına

Şəki rayonun Baş Göynük kənd sakini, müharibə iştirakçısı Hacıağa Məmmədhüseynov Teymur oğlu tərəfindən

İştirak etdiyim 44 günlük Qarabağ Müharibəsində mənim müharibə iştirakçısı kimi tanınmağım barədə

Ə R İ Z Ə

Çoxhörmətli Ali Baş komandan cənab İlham Əliyev,

Sizin çağırışınıza uyğun olaraq mən 44 günlük 2-ci Qarabağ Müharibəsinə könüllü olaraq döyüşməyə və torpaqlarımızı azad etməyə getmişəm. Məni 379-cu hərbi hissənin tərkibində əvvəlcə piyada qoşunları üzrə atıcı kimi Fizuli istiqamətində 28 oktyabr 2020-ci ildən döyüşlərə başlamışıq. 44 gün müharibənin ən qızğın yerlərində iştirak etmişəm və 10 noyabr 2020-ci ilə qədər Xocavaənd istiqamətində döyüşmüşəm. Allahın qismətindən sağ salamat evimə qayıtmışam. Budur, nə qədər Şəki Hərbi Səfərbərlik İdarəsinə ayaq döyürəm, məni müharibə iştirakçısı kimi qeydə almırlar. Baxmayaraq ki, 0183859 N-li hərbi biletimdə hərbi hissə komandiri “Füzuli-Xocavənd rayonlarında döyüşlərdə iştirak edib”. Hər dəfə deyirlər ki, Bakıya Müdafiə Nazirliyinə sorğu vermişik get gözlə. Axı nə qədər gözləmək olar? Mən hazırda işsizəm. Və ümid yerim müharibə iştirakçısı kimi heç olmasa aylıq verilən 80 manatı alsam bəlkə dolana bilərəm. Amma 3 ildir ki, gözləməkdən yoruldum. Budur, nəhayət Ombudsman Aparatı rəhbərinə Müdafiə Nazirliyindəki hansısa məsuliyyətsiz məmur əsassız olaraq formal cavab verir ki, guya mənim xidmət etdiyim hərbi hissə ( 379 saylı) ümumiyyətlə, 44 günlük döyüşlərdə iştirak etməyibmiş. Onda bu hırbi hissədən olan şəhidləri, qaziləri kimin ayağına yazaq ?. Hesab edirəm ki, bu Müdafiə Nazirliyində baş verən rüsvayçılıqdır, rəzillikdir. bu dərəcədə yalan olarmı?

Ona görə də cənab Ali Baş Komandan birbaşa Sizə təkrar yenə müraciət etməyə məcbur oluram. Qeyd etdiklərimi nəzərə alaraq Sizdən çox xahiş edirəm ki, mənim müharibə iştirakçısı kimi tanınmağım üçün aidyyatı dövlət qurumlarına gğstəriş verəsiniz. Sağ olun.

Qoşma: Hərbi bilet N- 01838559

Ombudsman Aparatının rəsmi cavabı
Hörmətlə, döyüşçünüz H.T. Məmmədhüseynov
Teref. Xocanın Blogu
Səhifəmiz hamnın üzünə açıqdır.