Xatirə Quliyeva
1(103)-1466/2025 nömrəli İŞ üzrə Xüsusi ittihamçı

ZAUR HÜSEYNOVDAN 1-CƏ GÜN, HƏTTA ELMAR RƏHİMOVDAN 2 SAAT "TƏXİR" XAHİŞ ETMİŞDİM ...

Əziz oxucum!
Bu "əcaib" maraqlı yazımı başlarkən yadıma maarifçilik dövrü tədqiqatlarım zamanı "Əkinçi" qazetinin əlyazmalarını səbrlə oxumağım və ilk qazetimizin məlumat təqdimatları düşdü...
Müəllimimiz "Əkinçi" sayaq keçirəm içində narazılıqlarım dolu məlumatıma.
Yazmışdım, bilirsiz ki, 2023-cü ilin 1 dekabrından mənə xitabən öz facebook səhifəsində "Mən erməniyəm! Necə ölkədəki 30 min erməniyə dözürsən, mənə də dözməlisən! Bir vətənin övladlarıyıq!" yazan, deməli, erməni Aydın Əli-Zadənin vətənə xəyanət maddəsi ilə həbs olunan "dostu" Nəzakət Məmmədovanın AR DTX tərəfindən saxlanılmasından sonra məni onu erməni mövqeyindən yazdığı və çapı üçün məndən təcili "çıxarış" istədiyi "150 səhifəlik KİTABINA" görə rəhbərlik etdiyim şöbədən kənarlaşdırdığım səbəbi ilə 5 il sonra məhkəməyə verməsi məsələsi üzrə məhkəmə prosesləri davam edir.
Hazırda baxılan İŞİN uzun bir tarixçəsi var. Belə ki, bu İŞƏ ilk dəfə Səbail rayon məhkəməsinin hakimi Şəhla Süleymanova baxıb. Baxıb deyəndə ki, Şikayətim onun icraatında olub. O. İclasda başqa qərar elan edib, Qərarda başqa əsas yazıb və mən Apellyasiya şikayəti vermişəm. Bakı Apellyasiya məhkəməsinin hakimi Elmar Rəhimovun sədrliyi ilə hakim heyəti Şəhla Süleymanovanın məzmunundan qeyri-müstəqillik "yağan" Qərarını ləğv edib. Bu Qərarda bir müddəa ilə razılaşmamışaəm və ALi məhkəməyə Kassasiya Şikayəti vermişəm "Standartlara uyğun olaraq" Qərar dəyişdirilmədən saxlanılıb. Bundan sonra prosedura uyğun şəkildə İŞ Ali Məhkəmədə baxıldıqdan sonra ARXİV üçün Səbail rayon məhkəməsinə qaytarılıb.
Həə, bu vaxt hüquqa heç aidiyyəti olmayan "kino-komediya" deyim, ya "tragi-komediya" deyim, əcaib işlər baş verib. Yəni mən, məhkəməyə baxılması üçün Şikayət Ərizəsi vermədiyim halda (!), konkret olaraq, bir növ (məntiq bunu deyir!) Aydın Əli-Zadəyə xeyrinə Qərar borclu olan Səbail rayon məhkəməsinin hakimi Ülviyyə Şükürovanın katibi hakim adından mənə 10 dəfələrlə zəng edərək iclasa gəlməyim üçün xahişlər edib. Bu hakim mənim gəlməyimi planlaşdıraraq 3 dəfə iclas təyin edib, gözləyib məni. Nəhayət, mən 3-cü dəfə təyin olunmuş İclasa gəldikdə İşə baxaraq İMZAM olmadığı, Şikayət verməyə hüququm olmadığı. barışdığım, müddətin bitdiyi əsası ilə İŞİ İcraata almamaq haqqında Qərar qəbul edib.
Mən də "zorən təbib" misalı Apellyasiya Şikayəti vermişəm. Bu Şikayətimə Bakı Apellyasiya məhkəməsinin hakimi Zaur Hüseynovun sədrliyi ilə məhkəmə heyəti baxıb və Ülviyyə Şükürovanın "bezobraziya" Qərarını Ləğv edib. İş yenidən baxılması üçün qaytarılıb Səbail rayon məhkəməsinə. İş bu məhkəməyə gələn kimi Aydın Əli-Zadə dostu vətən xaini N. Məmmədova saxlanıldıqdan sonra qorxuya düşüb ilk dəfə Şikayət verdikdə mənim qeydiyyat ünvanım Nizami rayonu, faktiki ünvanım Sabunçu rayonu olduğu halda İŞİ icraatına almış, onunla hazırlıq iclası adı ilə təklikdə görüşmüş, mənə Şikayət ərizəsini belə göndərməmiş, davamda mənə qarşı zorakılıq etmiş hakim Azər Tağıyevə düşür. Azər Tağıyev ona verdiyim 2 haqlı Etirazı saya saymır və İşə baxaraq Aydın Əli-Zadəyə tərəf - Təhqir maddəsi üzrə yüngülvari 1200 manat cərimə. Böhtan maddəs iüzrə Bəraət Hökmü çıxarır və mən növbəti dəfə Apellyasiya Şikayəti verirəm.

Bu Şikayətim Bakı Apellyasiya məhkəməsində Aydın Əli-Zadənin sifarişi ilə haqqımda yalan məlumat, onunla qoşa fotoşop edilmiş şəklimi yaymış Qafqazinfo.az saytına qarşı Apellyasiya şikayətimə baxmış hakim Əfqan Ələkbərova verilir!.. Heç təsadüf hesab etmirəm. Bu haqda "ƏDALƏT YENƏ BOĞULACAQ! HAKİMLƏRƏ İNAM YENƏ YERƏ ÇIRPILACAQ – BƏRAƏT QÜVVƏDƏ QALACAQ!" (https://cahanplus.com/gundem/5729-edalet-yene-bogulacaq-hakimlere-inam-yene-yere-cirpilacaq-beraet-quvvede-qalacaq-hele-1200-manat-cerime-de-belke-yungullesecek.html) media yazımda da ətraflı yazmışam. Ona 2 dəfə Etiraz verib bitmək bilməyən iclaslarına da getmirəm. Bu öz yerində.
Əziz oxucum!

Bu yazımın məğzini anladız indi.
Yuxarıda qeyd etdiyim kimi İttihamçı olduğum bu İş üzrə Bakı Apellyasiya məhkəməsində 3-cü Şikayətim hakim Əfqan Ələkbərovun icraatındadır. 22 may 2025-ci il tarixdə İş Səbail rayon məhkəməsindən Bakı Apellyasiya məhkəməsinə göndərilib. O vaxtdan indiyə kimi. yəni, 3 aydır ki, Əfqan Ələkbərov İclasdı təyin edir. Hətta İclası 15 gün təxirə də salıb.
Mənə də elə hakim Əfqan Ələkbərovun 3 ay bu İşə "baxıb" qurtara bilməməsi maraqlı gəlir. Başqa cür ifadə etsəm, mənə təəccüblü və şübhəli gələn "xəmirin bu qədər su aparmasıdır"...
Eyni ölkə, eyni məcəllə və eyni qanunlar, eyni məhkəmə, eyni İŞ. Necə olur BU İŞƏ birinci dəfə baxan hakim Elmar Rəhimov və heyəti 1-cə günə baxdı! İkinci dəfə BU İŞƏ baxan hakim Zaur Hüseynov və heyət yenə bircə günə baxdı! Amma hakim Əfqan Ələkbərov və hakim heyəti 3 aydır baxıb qurtarmır!
Yeri gəlmişkən, xüsusi olaraq vurğulamaq istəyirəm ki, həm Elmar Rəhimov, həm Zaur Hüseynov İŞƏ mənsiz baxmışdılar.
Hətta Elmar Rəhimova İşə baxdığı 29 may tarixdə Nərimanov rayon məhkəməsində (elə Əfqan Ələkbərovun Apellyasiya şkayətimə baxacağı İŞ - Aydın Əli-Zadə marağına uyğun Qafqazinfo.az-ın saxta məlumatı üzrə İŞ) Yekun iclasda iştirak edəcəyim və bu əsasla İCLASI 2 saat təxirə salması haqqında Ərizə göndərmişdim. Hakim əsaslı səbəbi saymayıb İŞƏ baxmışdı. 2 saat! Məlumdur ki, hakimlər gün boyu İşlərə baxırlar. Hələ çağırdıqları vaxtda gəlib, qapılarında saatlarla gözləyirik. AMMA! Elmar Rəhimov mənim İclası 2 saat təxirə salması xahişimi saymamışdı.

Eləcə də hakim Zaur Hüseynov mənim Apellyasiya Şikayətim üzrə 19 mart 2025-ci il tarixli İclasını 1-cə gün təxirə salmamışdı. Mən 18 martda ciddi bir tədbirdə iştirak etmişdim. Səhhətim pisləşmişdi və 19 mart tarixdə yaşadığım ucqar bir ərazidən şəhərə gəlmək iqtidarında deyildim. Buna görə Zaur Hüseynova Ərizə göndərərək 1-cə gün İclası təxirə salmasını xahiş etmişdim!
Mən məhkəmələrdə tərəflərdən birinin iştirak etməməsi səbəbi ilə dəfələrlə iclasların təxirə salındığının şahidi olmuşam. Ancaq istər hakim Elmar Rəhimov, istər hakim Zaur Hüseynov İddiaçının iştirakı olmadan İşə baxılmasının mümkünlüyü müddasını rəhbər tutaraq mənim ərizələrimi nəzərə almadan İşə baxmışdılar. Belə düşünürəm ki, bəlkə təxirə salsaydılar və mən özüm iştirak etsəydim daha əsaslı Qərarlar qəbul olunardı...
Əlbəttə əsas Ədalətli Qərardır! Bu hakimlər də əsasən Ədalətli Qərar qəbul etdikləri üçün onlara hər bir halda və həmişə minnətdaram.
Əziz oxucum!
Yaxşı, bəs eyni məhkəmənin, eyni kollegiyanın hakimlərinin qanunlardan istədiyi kimi istifadə etməsi nə deməkdir? Bir halda ki, İŞƏ BİRCƏ GÜNƏ BAXMAQ MÜMKÜNDÜR, ƏFQAN ƏLƏKBƏROV NİYƏ 3 AYDIR BAXIR?!
Mən Əfqan Ələkbərova birinci Apellyasiya Şikayətimə "baxarkən" çox inanmışdım. Məhz onda da bir neçə dəfə olmuşdu iclasları və Müşavirə otağınan çıxıb Ədalətsiz, Qanunları taptalayan Qərarını elan etdiyini görmüşdüm.
Elə bu əsaslarla da ona bu Apellyasiya Şikayətimdə 2 dəfə Etiraz verdim. Düşünürəm, ay dəli, Əfqan Ələkbərovun sənin Apellyasiya Şikayətinə, daha dəqiqi Aydın Əli-Zadə İşinə marağı olmasaydı heç götürməzdi BU İŞİ! Yaxud, "sistem" onu seçmişdi. O özü düz bir il əvvəl İttihamçının eyni məzmundan qaynaqlanan Apellyasiya Şikayətinə onun ziyanına baxdığı, ədalətin şübhə altında olduğu əsası ilə Özünə Etiraz verərdi. Təkidlə "baxırsa" baxsın da!..
Bir də bizdə ETİRAZ qanunu ən hörmətsiz qanundur. Məhkəmələrdə nə qədər Əsaslı Etirazlar "baxılmamış" saxlanılır.

2 gün sonra, yəni 5 avqust 2025-ci il tarixdə hakim Əfqan Ələkbərov və hakim heyəti mənim Etirazlarımı saymadan İttihamçı olduğum Apellyasiya Şikayəti üzrə məhkəmə iclası keçirəcək. Mən haqlıyam! Azər Tağıyev mənə ciddi müddəalarla böhtanlar atmış, şəxsiyyətimi, yaradıcı nüfuzumu alçaldan təhqir mahiyyətdə böhtanlar atmış Aydın Əli-Zadəyə son dərəcə tərəfkeşliklə (yuxarıda əsaslandırmışam) Böhtan maddəsi üzrə Bəraət verib!
Azər Tağıyev Aydın Əli-Zadənin məni təhqirlərini bilərəkdən təhlil etmədən, qiymətləndirmədən ona cüzi cəza - 1200 manat cərimə kəsib! Görəsən, bu hakim Aydın Əli-Zadə həmin təhqir və böhtanları onun yaxınları haqqında yazsaydı Bəraət verərdi ona? Yaxud Aydın Əli-Zadə onun məhkəməsindən sadəcə, quruca 1200 manat cərimə ilə çıxa bilərdi?!
Necə olur, müğənni gənc qadına (Dəniz Əsədovaya) 1 vəkili təhqir etdiyi üçün 7 ay həbs verirlər. Apellyasiya məhkəməsi də qüvvədə saxlayır! Ancaq 40 ilin alimini, dövlətçilik mövqeli ziyalısını Azərbatcan Dövlətini və Xalqını yüzlərlə yazılı material və vidio çıxışlarla təhqir edən, Milli Təhlükəsizlik Qanununa zidd gedərək sərhədlərimizi, tariximizi ermənilərin xeyrinə təhrif edən, qadını onun əməllərini mediada İfşa etdiyindən, barəsində AR DTX-ya şikayət verməsindən qəzəblənərək ağır formada təhqir edən, ona böhtanlar atan Aydın Əli-Zadənin xeyrinə Qərar çıxarılır!
Aydın Əli-Zadəni müdafiə etmək, onun xeyrinə Qərarlar çıxarmaq sadəcə Milli mentalitet hissindən uzaq olmaq demək deyil! Bu qeyri-dövlətçilik hissi, həm ölkə Qanunlarının. həm də İlahi Ədalətin taptalanmasıdır.
Əziz oxucum!

Beləcə. 3 gün keçməz, sevindirərəm, deyə bilmərəm! Ancaq xəbərdar edərəm Sizi.
SUAL İSƏ BUDUR BU : KİMDİR HAQLI? HAKİMLƏR ELMAR RƏHİMOV VƏ ZAUR HÜSEYNOV YOXSA ƏFQAN ƏLƏKBƏROV ?..
cahanplus.com
PS: Görəsən, SÖZün mafəsinin uzunluğu nə qədərdir?!

TEREF olaraq adları çəkilən şəxs və qurumlarında mövqeyini dərc etməyə hazırıq!