ABŞ-ın Ermənistandakı hərbçiləri İrəvanın Rusiyadan mümkün qədər uzaqlaşmağa çalışdığının və bizə heç dəyər vermədiyinin başqa bir əlamətidir. Biz artıq Vladimir Vladimiroviçdən buna cavab verməsini istəmişik.

Bu barədə Kremldəki mənbə “Kremlyovskaya Tabakerka” Teleqram kanalına açıqlamasında deyib.

Kremldəki digər mənbə kanala açıqlamasında bildirib ki, bununla bağlı Vladimir Putinə bir neçə variant təklif olunub:

“Rusiyada yaşayan və işləyən erməni əsilli iş adamlarının köməyi ilə İrəvana təsir etmək olar. Bir iş görsünlər, yoxsa pullarını, mallarını itirərlər. Müəyyən hərbi və siyasi addımlar var, təbii ki, açıqlamayacağam. Vəziyyət pisləşərsə, hətta ermənilərin deportasiyasını təşkil edə bilərik. Amma ümid edirəm ki, vəziyyət buna doğru getməyəcək”.(axar.az)