Rusiya mayın 9-da işğal olunmuş ərazilərdə ukraynalı məhbusların paradını təşkil etmək istəyir.

Qafqaz.media xəbər verir ki, bu barədə Ukrayna Prezident Aparatı rəhbərinin müşaviri Aleksey Arestoviç məlumat verib.

"Məhbusları bu cür ələ salmaq cinayətdir. Bu, Cenevrə Konvensiyasının və bütün müharibə qaydalarının çox ciddi şəkildə pozulmasıdır. Lakin Rusiya buna getmək, "düşən şalvarını" qaldırmaq istəyir", - o deyib.

Xatırladaq ki, Ukrayna Milli Təhlükəsizlik və Müdafiə Şurasının katibi Aleksey Danilov Rusiya diktatoru Vladimir Putinin mayın 9-da dayanmaq fikrində olmadığını bildirib. İddia olunur ki, o, ordunun qarşısına əsas məqsəd qoyub və onun reallaşacağını gözləyir.

"Biz başa düşürük ki, Putin dayanmaq fikrində deyil. Nə 9 may, nə 10 may, nə də 20 may. Putinin hərbçilərinin qarşısına qoyduğu vəzifə çox sadədir - dövlətimizi məhv etmək. Onların başqa heç bir məqsədi yoxdur”, - Danilov bildirib.