İran rejimində dürüst və ölkəsinə bağlı insanlar çatışmır. İran İslam Respublikası SSRİ-nin taleyini yaşayacaq.

Axar.az xəbər verir ki, bu sözləri İranın Korqozaran Sazendeqi Partiyasının idarə heyətinin üzvü Səid Leylaz ABŞ-ın Milli Xalq Radiosuna (NPR) açıqlamasında deyib.

O, İran rejiminin mövcud problemləri həll etməkdə aciz olduğunu söyləyib:

“İran rejimində dürüst və ölkəsinə bağlı şəxslər çatışmır. Demək istədiyiimi anlayırsınız? SSRİ-nin başına gələn də bu idi. İran İslam Respublikası SSRİ ilə eyni taleyi yaşayacaq”.

Leylaz İranda iqtisadi porblemlərlə bağlı bunları bildirib:

“İqtisadiyyatdakı problemlər sanksiyalardan deyil, yanlış idarəetmədən qaynaqlanır. Mən də bir çox iranlılar kimi dövlət qurumlarının ölkənin milyardlarla dollar neft gəlirini oğurladığını düşünürəm. Son 10 ildə 300- 400 milyard dollar yoxa çıxıb. Dövlət mən və mənim kimi təcrübəli şəxslərdən faydalanmalıdır”.