Teref.az: Heç tarixə, 100, 200, 300 ilə geri dönməyək. Rusiya imperiyasının qonşuluğunda yaşayan xalqlar üçün təhlükə olmasını 30 il öncə biz öz dərimizdə yaşadıq. Qarabağ torpaqlarının işğalı, törədilən qətliamlar və Xocalı. Rusiya ordusuna məxsus 366-cı motoatıcı alayın 26 fevral 1992 gecəsi erməni əlaltıları ilə xalqımıza qarşı törətdiyi genosid. Bütöv bir şəhərin əhalisinin vəhşicəsinə qətli, qadınların, qızların zorlanması, mülki insanların diri-diri yandırılması, basdırılması halları, əsir düşənlərin üzərində ağlasığmayan işgəncələr. Bu gün Ukraynada yaşayan, bu ölkənin vətəndaşı olan yüzlərlə soydaşımız yenidən imperiyaya qarşı savaşda iştirak edir. Məcburi xidmət keçənlər və könüllülər. Niyə? Çünki onlar bilirlər ki, bu gün gözəl Ukrayna torpaqlarında bütün keçmiş imperiyaya tabe etdirilmiş xalqların və dövlətlərin taleyi həll olunur. Bu raketin üstündə yazıldığı kimi həm də Xocalıya görə. Slava Ukraine!!!
Anar Natiqoğlu