Böyük Britaniyanın xarici işlər naziri, Baş nazirliyə namizəd Liz Trass lazım gələrsə, nüvə silahından istifadə etməyə hazır olduğunu bildirib.

KONKRET.az xarici mediaya istinadən xəbər verir ki, bu barədə Liz Trass Birminhemdə Mühafizəkarlar Partiyasının üzvləri ilə keçirilən görüşü zamanı bildirib.

Aparıcı nazirdən belə bir qərar qəbul etməli olduğu təqdirdə necə davranacağını soruşub.

“Hesab edirəm ki, bu, baş nazirin vacib vəzifəsidir. Mən bunu etməyə hazıram”, – deyə xanım Trass deyib.

Qeyd edək ki, Böyük Britaniya Rusiya, ABŞ, Çin və Fransa ilə birlikdə nüvə beşliyindən biridir. Stokholm Beynəlxalq Sülh Araşdırmaları İnstitutunun (SIPRI) məlumatına görə, ölkədə təxminən 120 nüvə başlığı yerləşdirilib.