Ermənistan müdafiə nazirinin keçmiş müavini Artak Zakaryan öz Facebook səhifəsində yazıb:

“İsraildə kiminsə ağlına gəlsəydi ki, sosial qütbləşmiş cəmiyyəti oğurlanmış külli miqdarda pul müqabilində qanuni olaraq hərbi xidmətdən azad etsin, onda bu ölkə çoxdan mövcud olmazdı.
Əslində, Müdafiə Nazirliyinin rəhbərliyi uzun müddət düşündü ki, bu cür axmaqlığa necə “doğmaq” olar? Kasıblar daha da yoxsullaşsın, varlılar daha çox ordudan yayınsınlar və Ermənistan silahlı qüvvələri milli ordudan muzdlu qoşunlara çevrilsin.

Bir vaxtlar tapşırığı yerinə yetirən snayper üçün təşviqdən istifadə edilmirdi ki, Vətən müdafiəçisi əvəzinə qatil psixologiyası formalaşmasın. Bunlar bütün ordunu pul bazarına çevirmək istəyirlər. Hələ bu zərərli təşəbbüsün konstitusiyaya zidd olduğunu demirəm.

Bəs vətəndaşların bərabərliyi və sosial ədalət haradadır? Bir adamın üç oğlan uşağı varsa və 72 milyon dram yoxdursa, o, nə etməlidir, onları kim və kimdən azad etməlidir?

Bəs niyə təəccüblənirik? Vətənini, torpağını, Şuşunu, Hadrutunu, ləyaqətini təslim edən, Zabux və Laçında rahat evləri satan, yaxud mətbuatın yazdığı kimi, müharibə üçün yığılan pullardan hakimiyyət nümayəndələrinə mükafat paylayandan nə gözləmək olar?

Ölkəmizin bərpası və inkişafı üçün islahatlara yalnız və yalnız bunların aradan qaldırılmasından sonra başlanacaqdır. Buna görə də, bunlardan qurtulmaq üçün daim mübarizə aparmalı, təşəbbüslərini müzakirə etməməlisiniz.

P.S. 2017-ci ildə biz Milli Məclisə qanunsuz olaraq hərbi xidmətdən yayınan və cinayət məsuliyyətinə cəlb edilən vətəndaşların hər buraxılmış çağırışa görə dövlət büdcəsinə 200 min dram ödənilməklə, onların öz vətənlərinə qayıtmalarına şərait yaradan qanun layihəsi təqdim etdikdə, Nikol, Edmond və bəzilərinin sosial populist hayqırtılarını eşitmək lazım idi.

Zəhmət olmasa, indi 24 milyon rüşvətdən həzz alın. İnsanda az da olsa namus olmalıdır. Ən azı təslim olduqdan və 5000-dən çox insanı ölümə göndərdikdən sonra. //moderator.az//