Dünən Rusiya prezidenti Vladimir Putin “strateji çəkindirmə təlimi” adlı qəribə təlim keçirib. Liderin ciddi rəhbərliyi altında havadan, dənizdən və qurudan ballistik və qanadlı raketlərin praktiki buraxılışları həyata keçirilib. Raketlər eyni qaydada havaya qalxıb və hətta lazım olan yerə uçublar. Rusiyanın ballistik və qanadlı raketlərinin uzağa uçmaq, eləcə də hədəfləri vurmaq imkanlarının nümayişi heç kimdə xüsusi sual və şübhə yaratmayıb və təbii ki, heç kimi qorxutmayıb. İndi həm kənar müşahidəçilər, həm də Rusiya rəhbərliyi nüvə silahından istifadənin mümkünlüyünə şübhə ilə yanaşır. Prezidentin təşəbbüsü ilə həyata keçirilən nüvə silahı sınaqları uğursuzluğa düçar olub, indi onlar azğıncasına səbəbi müəyyən etməyə çalışırlar və hətta gələn həftəyə yeni sınaqlar təyin etməyə də imkan tapıblar. Nüvə silahlarının həqiqi sınaqları ilə qorxutmaq qabiliyyəti olmadığı halda, Putin hələ sınaqdan keçirə bilmədiyi nüvə yükü daşımalı olan raket buraxılışları ilə kimlərisə qorxutmaq istəyir. Putin yenə də ən çox sevdiyi “əsas görüntüdür” üsulundan istifadə edir. Rəsmi xronika prezidentin kağız üzərində qələmlə raketlərin buraxılması prosesini təsvir edən fotoşəkil və video çəkilişlərini göstərir. Putinin rəsmləri yəqin ki, bütün nüvə dövlətlərinin liderlərinə əyani xəbərdarlıq kimi göndəriləcək və ya rus uşaqlarına vətənpərvərlik tərbiyəsi dərslərində göstəriləcək.
Putin dünən Rusiya Federasiyası Təhlükəsizlik Şurasının daimi üzvləri ilə dar tərkibdə görüşün qapalı hissəsində xeyli mühüm açıqlamalar verib. O, ilin sonuna qədər Federal Məclisdə çıxış edəcəyini bildirib. Prezident müraciətində Baş nazirə və Nazirlər Kabinetinə gördüyü işlərə görə təşəkkür edəcək və böhran vəziyyətində böhran menecerlərinə ehtiyac olduğunu bildirərək yeni baş nazir və Nazirlər Kabinetinin yeni tərkibini təklif edəcək. Gələn ilin əvvəlində prezident ölkə daxilində mərhələli şəkildə hərbi vəziyyət tətbiq etməyi planlaşdırır. Hələ görüşdən əvvəl Putin Sobyaninə Moskvanı Yeni ildən sonra istənilən vaxt hərbi vəziyyətin tətbiqi ehtimalına hazırlamaq zərurəti barədə xəbərdarlıq edib. Hakimiyyətin ötürülməsi hərbi vəziyyətlə həyata keçiriləcək. Təhlükəsizlik Şurasının katibi Nikolay Patruşev müharibənin qızğın vaxtında hakimiyyətin oğlu Dmitriyə keçməsi perspektivindən o qədər də həvəsli deyil, lakin Putin vəd edib ki, qaynar faza yaza qədər başa çatacaq. Prezidentin vədlərinin nəyə əsaslandığı hələ ki, heç kimə aydın deyil.
Dadaş Əhmədli
Teref.az