Tayvan Rusiyaya dəzgah tədarükünü dayandırıb. “Taiwan News” agentliyi ölkənin İqtisadiyyat Nazirliyinə istinadən xəbər verir ki, bu, maşınların hərbi məqsədlər üçün istifadə imkanları ilə bağlı ixrac nəzarəti qaydalarının sərtləşdirilməsindən sonra baş verib.

Bu bəyanat Britaniya Kral Birləşmiş Xidmətləri Müdafiə Araşdırmaları İnstitutunun və ABŞ hökumət mərkəzi olan Açıq Mənbə Mərkəzinin hesabatının dərcindən sonra verilib. Hesabatda Tayvanın Rusiyaya dəzgah tədarükçüsü olduğu qeyd edilib.

Maşınlar hərbi məqsədlər üçün istifadə oluna bildiyi üçün İqtisadiyyat Nazirliyi onların Rusiyaya ixracını dayandırmaq üçün tədbirlər görüb. Sanksiyaların ilk dəfə pozulmasına görə cərimə də nəzərəçarpacaq dərəcədə artırılıb - indi bu, bir milyon Tayvan dollarıdır (təxminən 31 310 ABŞ dolları). Nazirlik hesab edir ki, bu tədbirlər artıq müsbət nəticələr verib.

Mart ayında Tayvan səlahiyyətliləri, elektrokimyəvi, emal, torna, freze, daşlama və digər maşınlar da daxil olmaqla, Rusiya və Belarusa ixrac məhdudiyyətlərinin genişləndirilmiş siyahısına 77 növ kompüter rəqəmsal idarəetmə (CNC) dəzgahları əlavə edib.