“Qarabağ” türk mediasında: - “Qardaş diz çökdürdü...”
2-10-2015, 11:02
Avropa liqasının qrup mərhələsində keçirdiyi ikinci oyunda Belçikanın “Anderlext” klubunu məğlub edən “Qarabağ”ın qələbəsi Türkiyə mətbuatında da yer alıb.
Axar.az xəbər verir ki, Türkiyənin nüfuzlu Ligtv.com.tr saytı “Qardaş “Anderlext”i diz çökdürdü” başlığı ilə yayımladığı xəbərdə “Qarabağ”ın oyunun 36-cı dəqiqəsində Riçard Almeydanın qolu ilə rəqibini məğlub etdiyi yazılıb. Bundan başqa, xəbərdə Qarabağın erməni işğalı altında olduğu üçün eyniadlı klubun oyunlarını Ağdamda deyil, Bakıda oynaması diqqətə çatdırılıb. Xatırladaq ki, dünən axşam keçirilən oyundakı qələbədən sonra komandamız 2-ci sıraya yüksəlib.
