“Atlant” İstirahət Mərkəzində istirahət edən vətəndaşlar buradakı şəraitdən narazılıq edirlər.

Yenicag.az xəbər verir ki, istirahət günlərini dəyərləndirmək üçün “Atlant”a üz tutan vətəndaşlar mərkəzdə şəraitin pis olduğunu bildiriblər.

“Müştəriyəm, şikayətim var” sosial şəbəkə qrupunda istifadəçilər “Atlant” İstirahət Mərkəzi ilə bağlı şikayətlərini dilə gətiriblər.

Qeyd edilib ki, mərkəzin əsaslı təmirə ehtiyacı var:

“Əvvəlki “Atlant”dan əsər-əlamət qalmayıb. Otaqlar çox köhnəlib, hovuzlar bərbad vəziyyətdədir: Siqaret kötüyü, saç topaları, ağac yarpaqları, bir sözlə, nə desəniz, var. Bilyard masaları yarasızdır, attraksionlar isə köhnəlib, əksəriyyəti işləmir”.