Göyçayda təhsilə bir badalağı da rabitəçilər vurur... - GİLEY

13-01-2022, 10:04           
Göyçayda təhsilə bir badalağı da rabitəçilər vurur... - GİLEY
Göyçayda rayon Ərəbcəbirli kənd sakinləri tərəfindən cənab Prezidentə müraciət ünvanlanıb.
Teref.az azinfo.tv-yə istinadən müraciəti təqdim edir:

"Cənab Prezident!
Bildirmək istəyirik ki, Vəli Vəliyevin rəhbərliyi altında idarə olunan Göyçay Telekommunikasiya Qovşağının fəaliyyəti Göyçay sakinlərində kütləvi narazılıq yaratmaqdadır. İnsanların əksəriyyəti həyatın ayrılmaz hissəsinə çevrilən "internet" problemi ilə üzləşirlər.

Dəfələrlə yaşadığımız əraziyə müasir internet sistemi quraşdırılması üçün fərdi və kollektiv şəkildə müraciətlər etmişik. Hətta Vəli Vəliyevin özündən belə məsələnin həlli üçün xahiş etmişik. Lakin, heç bir faydası olmayıb. O, müraciət zamanı " hə yaxşı köməklik göstərəcəyik" deyərək işlədiyi idarənin işçilərinə göstəriş verib, onlar isə rəislərinin verdiyi tapşırığı icra etməyiblər. Vətəndaşlara yalan vədlər verirlər, insanları get-gələ salırlar. Ümumiyyətlə isə yalan danışmaq üzrə Göyçay Telekommunikasiya Qovşağının bəzi əməkdaşlarından daha mahiri yoxdur. Onlar sanki vətəndaşları ələ salmaqla məşğuldurlar. Adı çəkilən idarənin yarıtmaz fəaliyyəti hər kəsi bezdirib. Şəhər və kənd yerlərində rabitə xəttlərinin dirəkləri bərbad vəziyyətdədir.

"Cavabdehliyi isə Vəli Vəliyev daşıyır".

Əksər hallarda övladlarımız internet üzərindən keçirilən online dərslərdə və imtahanlarda iştirak edə bilmirlər.

Sizdən çox xahiş edirik, Göyçay Telekommunikasiya Qovşağının məsuliyyətsizliyinə son qoyasınız".

İddia olunanlarla bağlı dia.az olaraq bütün maraqlı tərəflərin mövqelərini işıqlandırmağa hazırıq...












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.