“Azərsu” Açıq Səhmdar Cəmiyyətində maaşların iki aydır verilməməsi ilə bağlı yayılan xəbərlər tamamilə yalandır.

Bu barədə AzVision.az-a ASC-nin mətbuat xidmətinin rəhbəri Anar Cəbrayıllı bildirib.

Onun sözlərinə görə, “Azərsu”da əmək haqları vaxtında verilir, gecikdirilmə müşahidə olunmur.

“Aprel ayının maaşlarını vermişik. İdarənin elə işçiləri var ki, aprelin maaşını tam alıb. Elə işçilər də var ki, bir hissəsini götürüb. Yaxın bir neçə gün ərzində aprel ayının maaşı tam bağlandıqdan sonra may ayının maaşı veriləcək. İşçilərimizə demişik ki, narahat olmasınlar, may ayının maaşı gecikdirilməyəcək”,- deyə A. Cəbrayıllı bildirib.