“Səs.Uşaqlar” verilişində qalib olduqdan sonra ümumrusiya şöhrəti qazanan müğənni Danil Plujnikova doğma Soçidə xoşagəlməz sürprizlə qarşılaşıb.

Sənətçidən hazırda heç bir əlaqəsi olmayan Soçidəki köhnə mənzilinə görə 120 min rubl məbləğində kommunal borcu tutulub.

32gun.az bildirir ki, bu barədə yerli mediaya musiqiçinin valideynləri məlumat verib.

Bildirilir ki, oğlan böyüməni ləngidən psevdoaxondroplaziya adlı genetik xəstəlikdən əziyyət çəkir. Buna baxmayaraq, Danil doğma Soçidə ciddi şəkildə musiqi və vokal öyrənin. 2016-cı ildə "The Voice. Kids" şousunda qalib olduqdan sonra 14 yaşlı gənc vətənə əsl ulduz kimi qayıtıb. Yerli hakimiyyət müğənniyə Soçinin mərkəzində bir otaqlı mənzil verib.
Həmin vaxt ev yeni tikilməkdə idi və ailə uzun müddət açarları ala bilməyib. 2018-ci ildə şəhər rəhbərliyi Blinovo mikrorayonunda Plujnikovlar ailəsinə daha iki otaqlı mənzil ayırıb.

Vaxt keçib və Danilin daimi yüksək texnologiyalı tibbi yardıma ehtiyacı olduğu aydın olub Buna görə də, ailə Moskvada mənzil almaq üçün Blinovodakı mənzili satmaq qərarına gəlib. Hazırda Danil Moskvada yaşayır, oxuyur və ən əsası müalicə alır. Son iki ildə o, 11 əməliyyat keçirib.

Lakin qəfildən Danilin valideynləri biliblər ki, onların bank hesabları kommunal ödənişləri ödəmədiyi üçün dondurulub. Buna səbəb, Plujnikovların "aldıqları", lakin heç vaxt sahiblik etmədikləri ilk bir otaqlı mənzildən yaranan borcdur.

Ailə indi bu mənzilin sahibinin kim olduğunu bilmir. İdarəetmə şirkəti onlarla əlaqə saxlamır. Plujnikovlar yalnız Soçi prokurorluğuna şikayət edə biliblər.