Amerikalı məşhur aktrisa Ancelina Coli keçmiş əri Bred Pittə qarşı məhkəməni uduzub.

“Qafqazinfo” xəbər verir ki, bu haqda “NBC News” məlumat yayıb.

Belə ki, aktrisanın vəkilləri Pittin iddiasına etiraz etməyə çalışsalar da, məhkəmə bu cəhdi əsassız hesab edib.

Qeyd edək ki, məhkəmə prosesi cütlüyün birgə şərab zavodunun payının rusiyalı oliqarx Yuri Şeflerə satılması ilə bağlı başlayıb.

Belə ki, keçən ilin payızında Coli ərindən xəbərsiz rusiyalı oliqarxla sövdələşməyə girib öz hissələrini ona satıb.

O, keçmiş ərinin ona 350 milyon dollar borcu olduğunu əsas gətirərək belə bir addım atdığını bildirib.