Braziliyada məşhur “Lambada” mahnısının ifaçısı Loalva Braz ölü tapılıb.

Moderator.az Trend-ə istinadən verdiyi xəbərə görə, Rio-de-Janeyro ştatında yanğınsöndürənlər avtomobilin yanması ilə bağlı məlumat alıblar. Hadisə yerinə gələn yanğınsöndürənlər yanmış maşından 64 yaşlı müğənninin meyitini aşkar ediblər.

Avtomobilin hansı səbəbdən yandığı məlum deyil.

“Kaoma” fransız qrupunun solisti olan Brazın ifa etdiyi “Lambada” 80-ci illərin hitinə çevrilib.