Qərb kəşfiyyat təşkilatları bundan sonra Ankaraya müvafiq məlumat vermədən Türkiyədə əməliyyat apara bilməyəcəklər.

Bu barədə “Hürriyet” qəzeti adı açıqlanmayan diplomata istinadən məlumat yayıb.

Nəşr 2eyd edib ki, əvvəllər bu cür təşkilatlar Türkiyədə bizneslə məşğul ola bilirdilər, onların təyyarələri respublikaya uça bilər, orada uzun müddət qalırdı, lakin təyyarədə nə olduğu barədə məlumat verilmirdi.

"Türkiyə hakimiyyəti ölkənin milli mövqeyinə uyğun olaraq bəyan edib ki, bu cür əməliyyatlar, xarici təyyarələrin gəlişi və uçuşu artıq Ankaraya müvafiq məlumat verilmədən həyata keçirilə bilməz", - KİV yazıb.

Qəzetin mənbəsi Qərbin xüsusi xidmət orqanlarının Türkiyənin bu qərarına sərt reaksiya verdiyini və bunun İrana dəstək olması ilə bağlı şayiə yaydığını, lakin respublikanın öz prinsipial mövqeyində qaldığını bildirib.