Türkiyənin döyüş təyyarələri iki həftədir “Fərat qalxanı” hərəkatında iştirak edə bilmir.

Axar.az xəbər verir ki, PYD və İŞİD hədəflərinə qarşı təşkil olunan uğurlu əməliyyatlardan sonra Türkiyə Hərbi Hava Qüvvələrinin gözləmə rejiminə keçdiyi təxmin edilir.

Hərbi ekspert Abdullah Ağar “Anadolu” agentliyinə açıqlamasında bunun xarici siyasətlə bağlılığını istisna etməyib:

“Türkiyənin 200 PKK-çını zərərsizləşdirməsi, əslində, çox mühüm mesajdır. Bundan narahat olan təkcə ABŞ deyil, eyni zamanda Suriya hökuməti də bərk təşvişə düşüb. Bu səbəbdən Suriya hava hücumundan müdafiə sistemləri Türkiyə qırıcılarını hədəfə almağa çalışır.

Türkiyə regionda növbəti böhran istəmədiyindən bir müddət fasilə vermək qərarına gəlib. Əslində, düzgün addımdır”.