Bakıda qızıl medal qazanan güləşçiyə Türkiyədən şok

16-06-2015, 15:23           
Bakıda qızıl medal qazanan güləşçiyə Türkiyədən şok
Bakı 2015 Avropa Oyunlarından qızıl medalla ayrılan türkiyəli yunan-roma güləşçisi Rıza Kayaalp ölkəsindən aldığı xəbərlə sarsılıb.

“Qafqazinfo” Türkiyə KİV-nə istinadən xəbər verir ki, milli güləşçiyə bədən çəki indeksinin normalara uyğun olmadığı üçün əsgərliyə yararlı hesab edilmədiyi bildirilib.
Bədən Tərbiyəsi və İdman Universitetindən ötənilki məzunu olan Kayaalp isə eşitdiyi xəbərdən sarsıldığını deyib: “Babam əsgərliyə getməyimi istədi. Mən də ona söz verdim. Çünki onun babaları Mersində, Çanakkalada şəhid olublar. Mən də əsgərliyə gedəcəyimə dair 92 yaşlı babama söz verdim. Mənə “hərbi xidmətə yaramırsan” dedilər. Mən də “10 əsgərə bərabərəm” dedim. Mən bu prosedura tabe olmaq istəmirəm. Ölkəsi üçün bir şey etməyə çalışan hər vətən övladı kimi mən də əsgər getmək istəyirəm. Nə olursa olsun bunu qəbul etməyəcəm”.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.