Rəsmi Praqa PYD lideri Saleh Müslümün Türkiyəyə qaytarılması üçün şərt irəli sürüb.

Axar.az xəbər verir ki, media Çexiyanın rəsmi Ankaraya Müslümün Türkiyədə həbsdə olan iki çexiyalı məhbusla dəyişdirilməsini təklif etdiyini yazıb.

Məlumata görə, Çexiya Türkiyəyə Müslümün həbsdə olan vətəndaşları ilə mübadiləsi üçün danışıqlar masasına əyləşməyə hazır olduğunu bildirib. Türkiyə-Suriya sərhədində saxlanılan və PKK terror qruplaşması ilə əlaqələri sübut edilən Marketa Vşelixova və Miroslav Farkasın Saleh Müslüm qarşılığında sərbəst qalması təklif edilib.

Qeyd edək ki, Çexiya daha əvvəl də həbsdə olan bu iki vətəndaşının mübadiləsi üçün Türkiyəyə müraciət edib, amma rəsmi Ankara təklifi mənfi qarşılamışdı.