Türkiyədə Afrindən olan terrorçular həbs edilib.

"Report"un məlumatına görə, bu barədə "Anadolu" agentliyi xəbər verib.

Xəbərdə bildirilir ki, onlar özlərini dinc sakin kimi təqdim etməyə çalışıblar. Terrorçular hərbçiləri aldatmaq istəyərək, çoban olduqlarını deyiblər.

Saxlanılanların telefonlarında onların PKK terror təşkilatının Suriya qolu olan YPG ilə əlaqələrini sübut edən məlumat aşkarlanıb. Onlar məhkəmə zalında həbs ediliblər.

Həbs edilən terrorçuların sayının 2 nəfər olduğu bildirilir.

Qeyd edək ki, Türkiyə ordusu Suriyanın Afrin bölgəsinin terrorçulardan təmizləməsi üzrə yanvarın 20-də "Zeytun budağı" əməliyyatına başlayıb.