Ermənilər Gürcüstanda da təxribata əl atdı: - şəhərə xüsusi təyinatlı qüvvələr cəlb edilir
10-08-2020, 18:09
Ermənilər Gürcüstanda da təxribata əl atdı: Gürcüstanın Axalkalaki şəhərinə əlavə polis və xüsusi təyinatlı qüvvələr cəlb edilir.
Gürcüstanın Samtsxe-Cavaxeti vilayətinin Axalkalaki bələdiyyəsinin inzibati mərkəzi olan Axalkalaki şəhərinə əlavə polis və xüsusi təyinatlı qüvvələr cəlb edilir.
“MediaPost” xəbər verir ki, Samtsxe-Cavaxetinin qubernatorunun sözlərinə görə, vəziyyət nəzarət altındadır. Eyni zamanda, 8 avqust tarixində baş vermiş hadisələrlə əlaqədar olaraq, Gürcüstanın Daxili İşlər Nazirliyində (DİN) Cinayət məcəlləsinin 108 və 236-cı maddələrinin 3 və 4-cü bəndləri üzrə araşdırmalar başlayıb.
“Təəssüf ki, Axalkalakinin mərkəzində baş vermiş kriminal hadisə nəticəsində bir gənc həlak olub, 4 ev və 1 mehmanxana yandırılıb. Hazırda polis qüvvələri gücləndirilir, şəhərə əlavə xüsusi təyinatlı bölmələr yeridilir. Vəziyyət nəzarət altındadır, polis qüvvələrinin sayı hər saat artırılır, polis qüvvələri şəhərdə sakitliyi təmin etməyə çalışır”, - Samtsxe-Cavaxetinin qubernatoru Besik Amiranaşvili deyib.