Zəfəran satışı ölkəyə 54 min 510 ABŞ dolları qazandırıb
Bu gün, 16:24
Cari ilin yanvar-sentyabr aylarında Azərbaycandan xarici ölkələrə 90 kiloqram zəfəran ixrac olunub.
Valyuta.az xəbər verir ki, sözügedən dövrdə zəfəran satışından ölkəyə 54 min 510 ABŞ dolları (təxminən 92 min 667 manat) gəlir daxil olub.
Beləliklə, ixrac edilən zəfəranın bir kiloqramının orta satış qiyməti 605,67 ABŞ dolları (təxminən 1 030 manat) təşkil edib.
Eyni dövrdə Azərbaycana xarici ölkələrdən 40 kiloqram zəfəran idxal olunub. Bu miqdarda məhsula görə 4 min 260 ABŞ dolları (təxminən 7 min 242 manat) xərclənib. Hesablamalara əsasən, idxal edilən zəfəranın bir kiloqram üçün orta qiyməti 106,5 ABŞ dolları (təxminən 181 manat) olub.
