ABŞ-ın keçmiş dövlət katibi: “Rusiya ilə ikinci soyuq müharibə riski yüksəkdir”
31-10-2020, 09:52
Prezident Donald Tramp administrasiyasının hərəkətlərindən sonra Vaşinqton praktiki olaraq bütün ölkələrlə düşmən münasibətdədir.
KONKRET.az xəbər verir ki, bunu ABŞ-ın keçmiş dövlət katibi Corc Şultz söyləyib.
O, ABŞ-ın hətta Avropa və Asiyadakı yaxın müttəfiqləri ilə münasibətlərini korladığını qeyd edib.
Şultzun fikrincə, Vaşinqton diplomatiyanı hərbi təhdidlərlə əvəz edib: “Çin və Rusiya ilə münasibətlərimizdə ikinci soyuq müharibə vəziyyətinə yaxınlaşırıq”.
Vaşinqtonun müttəfiqləri ilə münasibətlərdə, keçmiş dövlət katibinin dediyinə görə, inamsızlıq çoxdur: “Bunu düzəltmək üçün illər lazımdır”.
Şultz Vaşinqtonu tərəfdaşlarına ABŞ-ın onlarla eyni demokratik dəyərləri paylaşdığını sübut etməyə və rəqiblərinə qlobal problemləri aradan qaldırmaq üçün birlikdə işləmək bacarığını göstərməyə çağırıb.
Xatırladaq ki, Corc Şultz 1982-1989-cu illərdə ABŞ-ın dövlət katibi olub. 2020-ci ilin dekabrında keçmiş diplomatın 100 yaşı tamam olacaq.
