“WhatsApp”ın gələcək versiyasında öz avatarlarınızı stiker kimi göndərmək imkanınız olacaq.

Məlumata görə, messencerin istifadəçiləri fərdiləşdirilmiş avatarlar yarada və onları şəxsi yazışmalarda, yaxud da qrup çatlarında stiker kimi göndərə biləcəklər. Oxşar imkan artıq bir sıra digər sosial şəbəkələrdə təqdim olunur.

Bildirilir ki, yaxın gələcəkdə avatarlar videozənglər zamanı profil şəkli və AR maskası kimi də istifadə oluna bilər.

Yenilik hazırda işlənmə mərhələsindədir. Xüsusi avatarların tətbiqi tarixi dəqiq məlum deyil.

Mənbə: gazeta.ru