BMT-nin baş katibi: Nüvə silahına sahib olmaq təhlükəsizliyi zəiflədir

6-08-2020, 08:19           
BMT-nin baş katibi: Nüvə silahına sahib olmaq təhlükəsizliyi zəiflədir
BMT-nin baş katibi Antoniu Quterreş bütün ölkələri nüvə silahının tamamilə məhv edilməsi yoluna qayıtmağa çağırdı.

Trend-in məlumatına görə, baş katib bu barədə 1945-ci ildə ABŞ-ın Hirosima şəhərinə atom bombasının atılmasının 75-ci ildönümü günü çağırış edib.

"Yarandığı ilk günlərdən Birləşmiş Millətlər Təşkilatı nüvə silahının tamamilə ləğv edilməsinin vacibliyini bildirib. Ancaq bu hədəfə hələ də çatmamışıq", - A.Quterreş deyib.

"75 il nüvə silahına sahib olmağın təhlükəsizliyi gücləndirməkdənsə, zəiflədiyini başa düşmək üçün hətta çoxdur", - baş katib bildirib və soyuq müharibədən sonra yaradılan nüvə silahlarına nəzarət müqavilələrinin indi təhdid altında olduğunu etiraf edib.

"Dövlətlərin nüvə silahından tamamilə imtina etməsinə aparan ortaq bir görüşə və yola qayıtmasına çağırışımı bir daha təkrar edirəm", - A.Quterreş əlavə edib.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.