Türkiyənin İstanbul şəhərinin Beyoğlu rayonunda kafeyə silahlı hücum olub.

Publika.az xəbər verir ki, "TRT Haber" məlumat yayıb.

Maskalı şəxs dünən axşam saatlarında kafeyə daxil olaraq odlu silahdan 4 nəfərə atəş açmağa başlayıb. Nəticədə 3 nəfər xəsarət alıb.

Cinayətkar hadisə yerindən qaçıb. Yaralılar ətrafdakı şəxslər tərəfindən xəstəxanaya aparılıb. Onlardan birinin vəziyyəti ağırdır.

Hadisə yerinə polis əməkdaşları cəlb edilib. Hazırda cinayətkarın yaxalanması ilə bağlı əməliyyat keçirilir.