Dünyada mövcud texniki həllərin istənilən mobil telefonu dinləməyə imkan verməsinə baxmayaraq, А5/3 şifrləməsi ilə mühafizə olunan “VoLTE” mobil şəbəkələrində danışıqlar ələ keçirilməyə qarşı ən dözümlüsüdür.

Lent.az “ICTnews”a istinadən xəbər verir ki, bu barədə Rusiyanın “Jet Infosystems” şirkətinin eksperti Dmitri Kuramin bildirib ki, həmçinin, dinləməni çətinləşdirən qurğular mövcuddur:

"Telefonların əksər hissəsi ilk növbədə rabitə operatoru tərəfində texniki uyğunsuzluq səbəbindən dinləməyə məruz qalır. Xüsusi avadanlıq tətbiq edildiyi halda danışıqları real vaxt rejimində ələ keçirmək mümkündür. Mobil telefon danışıqlarını müxtəlif səviyyələrdə – məsələn, proqram təminatı səviyyəsində (söhbət troyan və təhlükəsizlik sisteminə gizli şəkildə yerləşdirilən digər proqramlardan gedir) dinləmək olar”.

Digər səviyyə cinayətkarlar tərəfindən sonradan dinlənilən abunəçi qurğularının qoşulduğu operator parametrlərinə uyğun baza stansiyasının yaradılmasıdır. Abunəçi tərəfində qorunması qeyri-mümkün olan dinləmə operatorun şəbəkə infrastrukturu səviyyəsində baş verir.

"İstehsalçılar tərəfindən dinləmədən qorunmasına zəmanət verilən smartfonlar mövcuddur. Belə qurğular adətən adi telefonlardan baha olur. “Məsələn, “BlackBerry” mobil telefonlarında dinləməni çətinləşdirən şifrləmə sistemi tətbiq olunub. Lakin bu sistemin işləməsi üçün həmsöhbətlərin eyni qurğudan istifadə etməsi tələb olunur”, – D.Kuramin vurğulayıb.