Yanvarın 8-də Azərbaycan Milli Elmlər Akademiyasının Rəyasət Heyətinin cari ildə ilk iclası keçirilib.

Axar.az xəbər verir ki, iclasda AMEA Rəyasət Heyətinin tərkibinin formalaşdırılması istiqamətində birinci vitse-prezident vəzifələri ləğv olunaraq yalnız bir birinci vitse-prezident vəzifəsi təsis olunub.

Akademik Dilqəm Tağıyev AMEA-nın birinci vitse-prezidenti, akademiklər - İsa Həbibbəyli və İbrahim Quliyev isə AMEA-nın vitse-prezidentləri seçiliblər. Eyni zamanda akademik Vaqif Fərzəliyev AMEA-nın Kimya Elmləri Bölməsinin Elmi Şurasının sədri seçilib.

Qeyd edək ki, AMEA-da iki birinci vitse-prezident və 5 vitse-prezident vəzifəsi vardı. Birinci vitse-prezidentlər İsa Həbibbəyli və İbrahim Quliyev, vitse-prezidentlər isə Tofiq Nağıyev, İradə Hüseynova, Rasim Əliquliyev, Nərgiz Paşayeva, Dilqəm Tağıyev idi.

İndi isə bir birinci vitse-prezident (Dilqəm Tağıyev), 6 vitse-prezident (İsa Həbibbəyli, İbrahim Quliyev, Tofiq Nağıyev, İradə Hüseynova, Rasim Əliquliyev, Nərgiz Paşayeva) vəzifəsi var.