Böyük Britaniyada istehlak qiymətləri inflyasiyası may ayında 9,1%-ə nisbətdə iyunda illik 9,4% təşkil edib.

Publika.az xəbər verir ki, bu barədə Milli Statistika İdarəsi məlumat yayıb.

Beləliklə, inflyasiya səviyyəsi son 40 ilin ən yüksək səviyyəsinə çatıb.

Bu o deməkdir ki, iyun ayında Böyük Britaniya G7 ölkələri arasında ən yüksək inflyasiya səviyyəsinə sahib olub. Kanada və Yaponiya hələ iyun ayı üçün məlumat yaymasa da, onlardan hər hansı birinin Böyük Britaniyada qiymət artımı göstəricisinə yaxınlaşması ehtimalı azdır.