Ölkənin bütün şəhər və rayonlarında “İmmunlaşdırma həftəsi” keçiriləcək.

Bununla bağlı Səhiyyə Nazirliyi tərəfindən əmr imzalanıb. Əmrə əsasən, İmmunlaşdırma həftəsi çərçivəsində, vaksinasiyadan kənarda qalan uşaqların bu ilin 21-27 aprel tarixlərində peyvənd olunması nəzərdə tutulub.

Respublika Gigiyena və Epidimielogiya Mərkəzinin şöbə müdiri Həşim Həşimov bildirib ki, peyvənlənmə proseduru əsasən 6 yaşa qədər, peyvənddən kənarda qalan uşaqlar üçün nəzərdə tutulsa da, 6 yaşdan yuxarı peyvənddən kənarda qalan uşaqlar da bundan faydalana bilər.

Qeyd edək ki, uşaqların vaksinasiyasını həyata keçirən tibb müəssisələrinə immunlaşdırma tədbirlərinin təşkilində metodiki köməkliyin göstərilməsi, əhalinin bu barədə maarifləndirilməsi kimi məsələlərin təşkili də nəzərdə tutulub.