Azərbaycanda insanlar ən çox hansı marka avtomobil sürür? - SİYAHI
23-04-2024, 18:54
Azərbaycanda avtomobillərin sayı 82 min ədəd artıb.
Dövlət Statistika Komitəsindən Avtosfer.az-ın sorğusuna cavab olaraq bildirilib ki, 2023-cü ildə Azərbaycanda 1.5 milyondan çox avtomobil olub.
2022-ci ildə bu rəqəm 1.4 milyondan bir qədər artıq olub. Son 5 ildə isə avtomobillərin sayında 330 min çox artım müşahidə edilib.
Bəs Azərbaycanda ən çox hansı model avtomobillər mövcuddur?
Statistikaya görə, ölkəmizdə ən məşhur avtomobil brendi “Mercedes”dir. Ötən ilin sonuna olan məlumata görə, Azərbaycanda bu model avtomobillərin sayı 216 mindən çox olub.
Sovet/Rusiya istehsalı maşınların sayı da hələ də üstünlük təşkil edir. Belə ki, ölkəmizdə 200 minə yaxın Vaz-2101, 03-06 model avtomobil mövcuddur. Vaz-2105, 2107 və modifikasiyalarının sayı isə 126 551 ədəddir.
Azərbaycanda “Hyundai” (126056 ədəd), “Toyota” (104605) , KİA (84258), “Opel” (71955) model maşınların da sayı diqqətəlayiqdir.
Statistikada diqqət çəkən digər bir məqam Azərbaycanda Çin istehsalı maşınların sayının artması ilə bağlıdır. 2023-cü ildə Çin istehsalı olan bəzi model avtomobillərin sayı aşağıdakı kimi olub:
“Changan” - 4 864 ədəd
“CHERY” - 2853 ədəd
“Haval” – 2097 ədəd
“Geely” – 2054 ədəd
“BYD” - 1011 ədəd
Baic – 1456 ədəd
ABŞ istehsalı “Tesla” elektromobillərinin sayında isə 2.5 dəfə artıb. 2022-ci ildə ölkədə 99 ədəd bu maşından olduğu halda ötən il sayı 244 olub.
Azərbaycandakı bahalı hesab edilən maşınların sayına gəlinvə, DSK-nın təqdim etiyi məlumata görə, Azərbaycanda 66 ədəd “Rolls Roys”, 356 ədəd “Bentley”, 202 ədəd “Lincoln”, 267 ədəd “Alfa Romeo” var.
Digər minik avtomobillərinin markalarına görə bölgüsü aşağıdakı kimidir:
Audi
6 431
Azsamand
3 392
Cadillac
454
Daewoo
10 778
GAZ-24 və modif.
25 981
Gaz-31 və modif.
20 396
GAZ M-20 Pobeda və modif.
200
GAZ M-21 Volqa və modif.
4 392
Hummer
350
Honda
11 238
Infiniti
2 406
Jaguar
389
Jeep
3 914
Khazar
7 313
Lexus
12 546
Maserati
178
Mitsubishi
22 514
Moskviç və modif.
24 942
NAZ Lifan
5 733
Nissan
44 485
Tofaş
6 155
Uaz-469 və modif.
2 401
Vaz-2102, 2104 və modif.
14 905
Vaz-2108, 2109 və modif.
24 511
Vaz-2121 və modif.
35 259
Volkswagen
25 078
Volvo
1 631
Zaporojets və modif.
6 020
