İntibah dövrü rəssamı, Titian kimi tanınan Tiziano Vecellio tərəfindən 16-cı əsrin əvvəllərində çəkdiyi “Misirə Uçuşda Dincəl” adlı tablo paytaxt Londondakı “Christie’s Hərrac Evi”ndə təşkil edilən hərracda rekord qiymətə satılıb.

İndex.az xəbər verir ki, hərracçılar əsərin 20,6 milyon avroya (17,5 milyon funt sterlinq) satıldığı üçün yeni dünya rekordunun qırıldığını bildiriblər.

1510-cu ilə aid edilən rəsm ilk dəfə 19-cu əsrin əvvəllərində Napoleonun əsgərləri tərəfindən Vyanadakı Belvedere sarayından oğurlanıb. O, 1995-ci ildə isə İngiltərədəki “Longleat House”dan oğurlanıb.

O, 2002-ci ildə “Scotland Yard”ın keçmiş detektivi Çarlz Hill tərəfindən Londonda avtobus dayanacağında təsadüfən çantada tapılıb.


“Christie”nin “Köhnə Ustalar Bölməsi”nin Qlobal Meneceri Endryu Fletçer bildirib ki, bu rəsm rəssamın həm rəngdən istifadəyə, həm də təbiət aləmində insan formasının təmsil olunmasına qabaqcıl yanaşmasının həqiqətən də görkəmli nümunəsidir.

İntibah dövrü rəssamının ilk rəsmlərindən biri olan “Misirə Uçuşda Dincəl” Christie’s tərəfindən hərraca çıxarılarkən böyük diqqət çəkib.