Artıq hər kəs bilir ki, müasir smartfonlar sahiblərinin həyatı haqqında çox şey öyrənməyə imkan verir. Ancaq "Wi-Fi" modemləri də potensial casus kimi qiymətləndirilir.

Bu barədə focus.ua məlumat yayıb.

Məlumata görə, modem yaxınlıqda olduğunuzu müəyyən edir və ən kiçik hərəkətləri belə aşkarlaya bilir. O, hərəkət edən cisimlərlə qarşılıqlı əlaqədə elektromaqnit dalğalarının necə yayıldığını və dağıldığını təhlil edir.

Kameralar və mikrofonlardan fərqli olaraq, modemlər vizual və ya audio məlumatlar toplamır. Bunun əvəzinə, siqnal gücündəki dəyişikliklərdən istifadə edərək hərəkəti və hətta ürək döyüntülərini aşkar edə bilir.

Nəzəri olaraq, kənardan kimsə "Wi-Fi" siqnalınıza müdaxilə edərək hərəkətinizi izləyə və ya evdə olmadığınızı müəyyən edə bilər.