Tərəvəz və meyvələrin səthində olan pestisidlərdən qurtulmaq sağlamlıq üçün vacibdir. Foodinfo.az bildirir ki, pestisid qalıqlarını təmizləmək üçün aşağıdakı üsullardan istifadə edə bilərsiniz:
1. Axar su ilə yumaq: Meyvə və tərəvəzləri axar su altında ən azı 30 saniyə yumaq ilk addımdır. Bu, səthdəki çirk və pestisid qalıqlarını qismən təmizləyir.
2. Sirkəli su: 1 litr suya 1-2 yemək qaşığı sirkə əlavə edib tərəvəz və meyvələri 10-15 dəqiqə bu məhlulda saxlayın, sonra təmiz su ilə durulayın. Bu, pestisidlərin təsirini minimuma endirir.
3. Soda məhlulu: 1 litr suya 1 çay qaşığı soda əlavə edin və meyvələri 10 dəqiqə bu məhlulda saxlayın. Soda pestisidlərin səthdən təmizlənməsinə kömək edir.
4. Soymaq: Yığılan pestisidlərdən tamamilə əmin olmaq üçün bəzi meyvə və tərəvəzlərin qabığını soymaq da mümkündür, lakin bu zaman bəzi faydalı maddələr itə bilər. Bu üsulları tətbiq edərək tərəvəz və meyvələri daha təhlükəsiz şəkildə istehlak edə bilərsiniz.