Çin sədri Si Szinpin Sankt-Peterburq Beynəlxalq İqtisadi Forumu -2019-un plenar sessiyasından sonra Çin nümayəndə heyətinin üzvləri ilə əl sıxan zaman az qala səhnədən yıxılacaqmış. Tədbir qurtardıqdan dərhal sonra müxtəlif ölkələrin jurnalist və nümayəndə heyətləri səhnəyə qaçıblar. Bu zaman kimsə sual vermək, kimsə isə iki ölkə lideri fonunda şəkil çəkdirməyə çalışıb.

"Report" RİA "Novosti"yə istinadən xəbər verir ki, Çin nümayəndə heyətinin üzvləri Si Szinpini möhkəm salamlayıblar və hər vəchlə onun diqqətini çəkmək istəyiblər.

Çin sədri onlardan birinin əlini sıxıb və bu zaman az qala səhnədən yıxılacaqmış. Onu Rusiya prezidenti Vladimir Putinin mühafizə xidmətinin əməkdaşları saxlayıblar.