Odessa qubernatoru Mixail Saakaşvili Ukraynanın Beynəlxalq Valyuta Fondu ilə əməkdaşlığını dayandırmasını tələb edib.

Avropa.info xəbər verir ki, o, bu bəyanatla “Era” radiostansiyasının efirində çıxış edib.

“Bizim üçün ideal vəziyyət o olardı ki, BVF ümumiyyətlə burada olmasın. BVF-ni biz Gürcüstandan cəmi 1 il sonra çıxardıq. Allaha şükür ki, canımızı qurtardıq” – deyə bildirib.

Saakaşvilinin sözlərinə görə, fond hökumətlərin fəaliyyətini nəzarət altına alır və onlara neqativ təsir göstərir:

“BVF cərrah kimidir. Batmağında sarğı görsə belə deyəcək: Sarğı nəyinə lazımdır? Gəl sənin əlini kəsək, niyə işi uzadırıq ki? Risk eləməyək””.

Xatırladaq ki, BVF-nin direktoru Kristin Laqard 10 fevral tarixində bildirmişdi ki, Ukrayna korrupsiya ilə mübarizədə ciddi nailiyyət əldə edə bilməyib, bu səbəbdən ölkəyə verilən maddi dəstək dayandırıla bilər.