Brokoli çox zəngin qida dəyərinə malik, sağlamlıq baxımından son dərəcə faydalı bir tərəvəzdir. Tərkibində vitaminlər, minerallar, lif və güclü antioksidantlar var. Mütəxəssislər onu “super qida” adlandırır.Foodinfo.az brokolinin əsas faydalarını təqdim edir:
1. Güclü antioksidantdır
Brokoli tərkibində C vitamini, beta-karoten, flavonoidlər və sulforafan kimi maddələr sayəsində bədəni sərbəst radikallardan qoruyur.Hüceyrələrin zədələnməsinin və erkən qocalmanın qarşısını alır.
2. İmmuniteti gücləndirir
C vitamini ilə zəngindir, bu da immun sistemi dəstəkləyir və infeksiyalara qarşı müqaviməti artırır. Soyuqdəymə və qripə qarşı qoruyucu təsiri var.
3. Xərçəng riskini azaldır
Tərkibindəki sulforafan və glukorafanin adlı maddələr bəzi xərçəng hüceyrələrinin inkişafını ləngidə bilər.Xüsusilə döş, prostat və bağırsaq xərçəngi ilə bağlı tədqiqatlarda bu təsir müşahidə olunub.
4. Həzm sistemini dəstəkləyir
Yüksək lif tərkibi sayəsində bağırsaq hərəkətlərini tənzimləyir və qəbizliyin qarşısını alır. Bağırsaq florasını dəstəkləyir.
5. Ürək-damar sağlamlığına faydalıdır
Xolesterolu aşağı sala və damarların tıxanmasının qarşısını alır. Qan təzyiqinin tənzimlənməsinə kömək edir.
6. Sümükləri gücləndirir
Kalsium, K vitamini və fosfor sayəsində sümüklərin sağlam qalmasına dəstək olur. Osteoporoz riskini azaldır.
7. Göz sağlamlığını qoruyur
A vitamini və lutein sayəsində gözləri qoruyur, görmə zəifliyinin qarşısını almağa kömək edir.
8. Dəriyə və saçlara yaxşı təsir edir
Vitamin və antioksidantlarla zəngin olması sayəsində dərini canlandırır, saçların sağlam böyüməsini dəstəkləyir.